27 nóv Skipulagsauglýsing birt 27. nóvember 2025
AUGLÝSINGAR UM SKIPULAGSMÁL
Ásahreppur, Bláskógabyggð og Flóahreppur
Samkvæmt 30. gr. skipulagslaga nr. 123/2010 er hér kynnt tillaga skipulagslýsingar eftirfarandi skipulagsáætlunar:
1. Endurskoðun aðalskipulags Flóahrepps 2025-2037 – 2510040
Sveitarstjórn Flóahrepps samþykkti á fundi sínum þann 4. nóvember 2025, skipulagslýsingu vegna breytingar á aðalskipulagi til kynningar og umsagna í samræmi við 30. gr. skipulagslaga nr. 123/2010.
Samkvæmt 41. og 43. gr. skipulagslaga nr. 123/2010 eru hér auglýstar tillögur og breytingar eftirfarandi deiliskipulagsáætlana:
2. Langholt 1 L166247; 3 Landbúnaðarlóðir; Deiliskipulag – 2510083
Sveitarstjórn Flóahrepps samþykkti á fundi sínum þann 18. nóvember 2025, að auglýsa nýtt deiliskipulag sem tekur til Langholts 1 L166247 í Flóahreppi. Í deiliskipulaginu felst að skilgreindar eru þrjár nýjar lóðir sem teknar eru úr landi Langholts. Gert er ráð fyrir einum byggingarreit innan hverrar lóðar þar sem heimilt er að byggja íbúðarhúsnæði, bílgeymslu, gesthús, skemmu og gróðurhús.
3. Syðri-Reykir lóð L167456; Frístundasvæði; Deiliskipulag – 2509080
Sveitarstjórn Bláskógabyggðar samþykkti á fundi sínum þann 19. nóvember 2025, að auglýsa nýtt deiliskipulag sem tekur til frístundalóða innan frístundasvæðis F45 í landi Syðri-Reykja í Bláskógabyggð. Í deiliskipulaginu felst að skilgreindar eru fimm lóðir og byggingarreitur á öllum lóðum nema einni.
4. Efri-Reykir L167080; Skilgreining byggingarreits 1. áfangi; Deiliskipulagsbreyting – 2509048
Sveitarstjórn Bláskógabyggðar samþykkti á fundi sínum þann 19. nóvember 2025, að auglýsa breytingu á deiliskipulagi sem tekur til Efri-Reykja L167080 í Bláskógabyggð. Í breytingunni felst að skilgreindur er nýr byggingarreitur fyrir gistiskála sunnan við byggingarreit hótels og baðlóns. Þessi breyting er fyrirhuguð sem 1. áfangi uppbyggingar á svæðinu.
5. Ás 3 1-8lóð L204637; Skilgreining frístundalóðar; Deiliskipulag – 2508021
Hreppsnefnd Ásahrepps samþykkti á fundi sínum þann 19. nóvember 2025, að auglýsa nýtt deiliskipulag , sem tekur til Áss 3 I-8 lóð L204637 í Ásahreppi. Í deiliskipulaginu felst að skilgreindur er byggingarreitur á lóðinni þar sem heimilt er að reisa allt að 200 fm frístundahús, 40 fm gestahús og 25 fm geymslu.
Ofangreindar skipulagstillögur liggja frammi til kynningar á skrifstofu skipulagsfulltrúa, Hverabraut 6, Laugarvatni á skrifstofutíma embættisins. Að auki er hægt að nálgast tillögur á vefslóðinni www.utu.is og á skipulagsgátt Skipulagsstofnunar skipulagsgatt.is/.
Mál 1. innan auglýsingar eru skipulagsmál í kynningu frá 27. nóvember 2025 með athugasemdarfresti til og með 19. desember 2025.
Mál 2 – 5. innan auglýsingar eru skipulagsmál í auglýsingu frá 27. nóvember 2025 með athugasemdarfresti til og með 9. janúar 2026.
Athugasemdum og ábendingum skal skila inn á skipulagsgátt Skipulagsstofnunar www.skipulagsgatt.is undir viðeigandi máli. Einnig má koma á framfæri athugasemdum og ábendingum skriflega á skrifstofu UTU Hverabraut 6, Laugarvatni eða með tölvupósti á netfangið skipulag@utu.is.
Fyrirspurnir má senda á netfang UTU skipulag@utu.is.
Sigríður Kristjánsdóttir
Skipulagsfulltrúi Umhverfis- og Tæknisviðs Uppsveita