Umhverfis- og tæknisvið Uppsveita (UTU), er byggðasamlag sveitarfélaganna Grímsnes- og Grafningshrepps, Bláskógabyggðar, Hrunamannahrepps, Skeiða- og Gnúpverjahrepps, Flóahrepps og Ásahrepps. Byggðasamlagið er stofnað á grundvelli 94. gr. sveitarstjórnarlaga nr. 138/2011 um samstarf sveitarfélaga um afmörkuð verkefni.
Umhverfis- og tæknisvið Uppsveita bs. telst því vera opinber stofnun á sveitarstjórnarstigi og hefur það hlutverk að annast lögbundin verkefni byggingar- og skipulagsfulltrúa ásamt því að sjá um hreinsun á rotþróm aðildarsveitarfélaga byggðasamlagsins. Jafnframt sér UTU um móttöku og vinnslu á seyru.
Sjá samþykktir Umhverfis- og tæknisviðs Uppsveita bs.
Gildi UTU
Jákvæðni – Viðhorf okkar til samfélagsins og þjónustunnar byggir á góðum samskiptum og lausnamiðuðum hugsunarhætti. Jákvæðni okkar smitar út frá sér og styrkir bæði liðsheild og starfsanda.
Traust – Grunnstoð árangursríks samstarfs og faglegra ákvarðana byggir á heiðarleika, áreiðanleika og gagnsæi. Þegar samfélagið ber traust til starfseminnar er rými fyrir opna umræðu, frumkvæði og ábyrgð.
Virðing – Við metum fólk að verðleikum, hlustum af einlægni og tökum tillit til ólíkra sjónarmiða. Virðing fyrir embættinu styrkir tengsl við samfélagið, eykur vellíðan og stuðlar að heilbrigðu og öruggu starfsumhverfi.
Afgreiðslutími skrifstofu:
Skrifstofa embættisins er að Hverabraut 6 á Laugarvatni og er hún opin alla virka daga frá 9.00 – 12.00. Á skrifstofunni er móttaka teikninga og annarra prentaðra gagna sem berast þurfa byggingarfulltrúa og skipulagsfulltrúa. Jafnframt má koma útprentuðum gögnum sem berast eiga til embættisins á skrifstofu Flóahrepps í Þingborg milli kl. 09.00 – 16.00 mánudaga til fimmtudaga og milli kl. 09.00 – 13.00 á föstudögum.
Viðtals og símatímar:
Viðtals- og símatímar eru alla virka daga – nema miðvikudaga – milli kl. 9.00-12:00. Miðvikudagar eru fundardagar og því er ekki opið fyrir símann á þeim dögum. Aðalsímanúmer embættisins er 480-5550. Mælst er til þess að fundir séu bókaðir með fyrirvara með því að hringja í síma 480-5550 á símatíma.
Afgreiðslufundir byggingarfulltrúa eru alla jafna 1. og 3. miðvikudag í mánuði utan júlímánaðar þegar fundir falla niður vegna sumarfría.
- Fullnægjandi gögn þurfa að hafa borist í síðasta lagi í lok þriðjudags í vikunni fyrir fund til að mál verði tekið fyrir.
Fundir skipulagsnefndar eru alla jafna 2. og 4. miðvikudag í mánuði utan júlímánaðar þegar fundir falla niður vegna sumarfría.
- Fullnægjandi gögn þurfa að hafa borist í síðasta lagi fyrir kl. 13.00 á mánudegi í vikunni fyrir fund til að mál verði tekið fyrir.
Birting afgreiðslubréfa:
Umhverfis- og tæknisvið Uppsveita bs. birtir afgreiðslubréf og önnur sértæk bréf sem beint er sérstaklega til ákveðins/ákveðinna aðila inni á pósthólfi viðkomandi inni á island.is, samkvæmt lögum nr. 105/2021 um stafrænt pósthólf í miðlægri þjónustugátt stjórnvalda. UTU bs. hvetur alla til að ná sér í island.is appið sem gefur notendum aðgang að skjölum, umsóknum, skírteinum og fleiru sem tengist opinberri þjónustu.
Allir einstaklingar með íslenska kennitölu, sem og lögaðilar sem skráðir eru í Fyrirtækjaskrá, eiga nú þegar til sitt eigið pósthólf á island.is
Starfsmenn skrifstofu UTU:
| Netfang Umhverfis- og tæknisviðs Uppsveita bs: utu@utu.isNetfang seyruþjónustu: seyra@seyra.is | Skrifstofustjóri: Nanna Jónsdóttir Netfang: nanna@utu.is |
| Móttaka: Guðmar Pálsson Netfang: gudmar@utu.is |
|
| Skipulagsfulltrúi: Sigríður Kristjánsdóttir Netfang: sigridur@utu.is |
Byggingarfulltrúi: Davíð Sigurðsson Netfang: david@utu.is |
| Ritari: Ellisif Malmo Bjarnadóttir Netfang: ellisif@utu.is |
Aðstoðarmaður byggingarfulltrúa: Lilja Ómarsdóttir Netfang: lilja@utu.is |
| Ritari: Rebekka Rut Ingvarsdóttir Netfang: rebekka@utu.is |
Ritari byggingarfulltrúa: Hildur Magnúsdóttir Netfang: hildur@utu.is |